„Ѓорге Иванов да престане да го крши Уставот и да остава простор за лаги од пропагандата и за насилство, тој е должен веднаш да го даде мандатот на претседателот на СДСМ, Зоран Заев, за формирање на новата Влада на Македонија“, порачуваат од партијата.
„Мнозинството граѓани во Македонија гласаа за квалитетен живот, за нови работни места, за парите да се вратат кон луѓето, за квалитетно образование и квалитетно здравство, за правда за сите. Ова се очекувањата на граѓаните и ова се приоритетите на новата реформска Влада што е неопходно што побрзо да се формира, за земјата да продолжи да се развива според стратешките интереси кон ЕУ и НАТО“, велат од СДСМ.
„Граѓаните го избраа концептот на заедништво наспроти концептот на поделби на досегашната неодговорна власт на Никола Груевски. Затоа, Македонија, како што се обврзавме и во Планот за живот, ќе биде едно општество, на еднакви граѓани, во кое што ниту една заедница нема да биде ниту маргинализирана, ниту привилегирана“, порачуваат од партијата.
„Единствен можен следен чекор е одблокирање на демократските процеси и мирен трансфер на власта. Само нова одговорна реформска Влада може да одговори на потребите на граѓаните и на државата и да обезбеди стабилност и просперитет“, велат од СДСМ.