Страшна семејна драма се одвивала во куќата на еден штипјанец, кој пијан го бркал синот со нож, го запалил троседот и си ги сечел вените со стаклено шише.
Како што соопшти полицијата, вчера околу 18:10 часот во Штип во куќата сопственост на С.Д. (48), настанала расправија помеѓу него и неговиот син Д.Д. (25). Во расправијата С.Д. зел нож со кој го бркал Д.Д., кој избегал, по што таткото се вратил во куќата и го запалил троседот во дневната соба, искршил шише и се исекол по рацете, а потоа заминал со такси.
Пожарот е изгаснат, оштетен бил мал дел од троседот. С.Д. е приведен во полициската станица Штип каде му е извршено алкотестирање и констатирано е присуство на алкохол од 2,66 промили алкохол во крвта. Истиот бил задржан во просториите на полициската станица Штип до негово отрезнување.
Се преземаат мерки за расчистување на случајот.