Микаил Хуниевиц е фотограф кој ја посети една од најчудните држави во светот, Северна Кореја. Кога аплицирал за визата, го скрил фактот дека е фотограф, бидејќи тоа ќе значело опасност за државата - фотографии кои би документирале нешто што не смее да биде видено од светската јавност. На својот блог тој ги сподели скришно направените фотографии и приказната за ова патување.
Михаил патувал од Кина до Северна Кореја, а пред да влезе во државата бил претресуван за повеќе нешта - покрај стандарните нелегални работи, забрането е внес на било какви книги или филмови за Северна Кореја, како и носење на порнографска содржина. Својот фотоапарат го направил да изгледа што е можно поаматерски и тајно фотографирал за време на патувањето.
Тој патувал со тура и севернокорејски водич, што ги водел наместата каде смеат и им забранувал движење на местата на кои не смеат да одат, одговарајќи на туристичките прашања селективно. Микаил неколкупати се одвоил од групата за да ѕирне во забранетите делови и да напраави некои од овие нелегални фотографии.
Документирал движење на војници, фоткал од возот каде што не било дозволено. На фотографиите гледаме како изгледа една обична продавница, многу поморничаво и неснабдено од овие маркети што биле дозволени за посета од туристи.
Микаил вели дека жителите тука немаат слобода кога треба да патуваат на подалечни дестинации - смеат да патуваат само со автобус и воз, доколку им биде одобрено.
Кога пристигнал на железничката станица, таму веќе шетале многу млади и убави луѓе облечени во модерна облека - нешто што го нема на улиците во Пјонгјанг. Ова било особено чудно за Микаил, бидејќи нивниот воз бил единствен што пристига дента. Тој е сигурен дека ова, како и многу други јавни места и ситуации во Пјонгјанг, биле наместени сцени за очите на туристите.
Целиот впечаток на овој турист е дека државата е доста сиромашно, морничаво и тажно место, исполнето со билборди, графити и пораки од Ким Ил Сунг и неговиот син Ким Јонг Ил, кое кога би било ослободено од стегите на моменталното власт, има потенцијал да стане економски празвиена земја, интересна за посета.