Веројатно досега сте кликнале на копчето за да потврдите дека не сте робот и не сте размислувале многу за тоа што се случува во меѓувреме додека ви е одобрен пристап до некоја страница.
Оваа безбедносна мерка се нарекува CAPTHA (Completely Automated Public Turing test to tell Computers and Humans Apart), а кога ќе кажете дека „не сте робот“ тоа не е само едноставен клик.
Кога ќе ја означите оваа опција, страницата на која сакате да одите добива пристап до вашата интернет историја за да одлучи дали сте вистинска личност или не.
Ако, на пример, сте гледале YouTube или сте твитнале нешто пред да кликнете на копчето „Не сум робот“, тоа значи дека сте вистинска личност.
Во основа, тоа е начинот на кој Google проверува дали сте вештачка интелигенција или не - ќе признаеме дека е малку „морничав“, особено кога знаеме дека можат да го следат и анализираат дури и начинот на кој го движите курсорот преку екранот.
Ако добиете друга задача (да обележите хидранти, мотори или нешто друго), тоа значи дека машината сè уште не е сигурна дали сте вистинска личност или не.
