Љубителите на фудбалот знаат дека не е лесно да се гледа кога омилениот тим губи. Чувството воопшто не е пријатно, а може да биде и опасно, без разлика дали викате на телевизорот, се нервирате, немо гледате како повторно паѓаат голови, ги пцуете играчите, тренерите и сè нивно по ред, пишува Daily Mail.
Навивачите на тимови кои губат имаат 29 проценти поголеми шанси за сериозни срцеви проблеми на денот на некој важен натпревар, покажува истражување. Оние кои навиваат за победничкиот тим имаат 20 проценти помали шанси за мозочен или срцев удар.
Истражување објавено во Журнал за спортска медицина утврди дека кардиоваскуларните напади можат да бидат предизвикани од голем ментален напор и турбулентни емоции, какви што доживуваме додека гледаме одлучувачки натпревар,
Мажите кои во текот на фудбалски натпревар зголемено пијат или пушат за да го „намалат“ стресот се повеќе изложени на опасност. Според спортскиот новинар Алекс Робертс не треба да заборавите дека фудбалот е само игра.
