Најмалку 12 лица загина, а 48 се повредени кога возач на камион удри во Божиќните штандови на саемот во Берлин. Полицијата го истражува случајот како можен терористички напад, но засега нема официјална потврда.
- Камионот удрил во штандовите на Божиќниот саем во Берлин. Според очевидците камионот прво поминал низ делот од градот во кој е многу тешко да се дојде со моторно возило.
- Според сведоците, камионот влетал со брзина од околу 80 километри на час и ги „косел“ луѓето пред штандовите.
- Германската полиција го уапсила возачот на камионот кој бил најден во близина на трагедијата.
- Германската агенција DPA пренесе дека возачот во Берлин стигнал во февруари како бегалец и дека најверојатно е од Авганистан или од Пакистан.
- Агенцијата AP објави дека во несреќата настрадал сопатникот.
- Камионот бил регистриран во полскиот град Гдањск.
- Полската компанија во чија сопственост е камионот, пријавила дека исчезнач нивниот 37 годишен возач кој пренесувал челик од Италија во Берлин.
- Случајот се истражува како „можен терористички напад“, а New York Post објави дека Исламската држава веќе презема одговорност за него.
- Градоначалникот на Берлин, Михаел Милер изјави дека е шокиран од нападот и додал дека сите владини служби се алармирани и работат координирано.
- Министерот за внатрешни работи на Германија, Томас де Мезијер смета дека инцидентот во Берлин е напад.
