Проблемот со надполнувањето на картичката за возење со автобус низ главниот град ќе го решаваат нови дваесетина локации на кои граѓаните ќе можат да стават кредит.
Од ЈСП Скопје излегоа со соопштение дека од денеска картичката „Скопска“ ќе може да се купи и надополни на нови 23 локации ширум градот. Се работи за трафики, маркети и слични објекти. Со проширувањето на мрежата, сега низ Скопје има речиси 100 локации на кои граѓаните можат да ја користат услугата на картичката за возење со автобус.
Освен на тие локации, картичката може да се купи и надополни на уште 32 билетарници кои се во сопственост на ЈСП.
Сите локации, нови и стари, обележани со слика можат да се видат на официјалната facebook страница на ЈСП.
