Времето денеска ќе биде сончево со мала до умерена облачност и умерен северен ветер, особено вдолж Повардарието и во источните делови.
Утринските температури ќе се движат од -2 до 5 степени, додека дневните ќе бидат во интервал од 9 до 18 степени.
Во Скопје и околината слично време со дневна температура до 14 степени.
До средината на наредната недела времето ќе биде стабилно со ниски утрински температури. Ќе дува умерен северен ветер, особено во источните делови и вдолж Повардарието. Во четврток кон крајот на денот и во текот на ноќта кон петок ќе има зголемување на облачноста со локален дожд.