Денеска времето ќе биде сончево со умерена облачност, со слаб до умерен ветар од југоисточен правец. Во попладневните часови денеска и во понеделник претпладне ќе има извесно зголемување на облачноста со услови за провејување на слаб снег во јужните делови.
Утринските температури ќе се движат од -15 до -4 степени, додека дневните ќе бидат во интервал од -2 до 4 степени.
Во Скопје и околината слично време со утринска температура околу -9 степени и дневна до 1 степен.
До среда ќе преовладува претежно стабилно и суво време, а во среда кон крајот на денот и во четврток се очекуваат локални врнежи од дожд и снег. Утринските температури и натаму ќе бидат насекаде под нула, но поради зголемената облачност ќе бидат повисоки во споредба со оние од претходните два дена.
