Сопственикот на компанијата Space X, Елон Маск вели дека е блиску до својата цел да испрати луѓе на Марс. Тој најави дека до 2018 година на Црвената планета ќе прати неколку мисии, а повеќе детали ќе објави наскоро.
Маск во својот твит најави дека на Марс ќе лансира капсули во склоп на ракетата Falcon, која ќе биде многу поголема од претходно користената верзија на ракетата Falcon 9.
Главната цел ќе биде да се истражува на кој начин може да се спушти ракета со голема носивост на Марс. Ако тој потфат му успее, Space X ќе биде првата приватна компанија која ќе изведе лет на друга планета.
.Planning to send Dragon to Mars as soon as 2018. Red Dragons will inform overall Mars architecture, details to come pic.twitter.com/u4nbVUNCpA
— SpaceX (@SpaceX) April 27, 2016
Dragon 2 is designed to be able to land anywhere in the solar system. Red Dragon Mars mission is the first test flight.
— Elon Musk (@elonmusk) April 27, 2016
Space X на Црвената планета ќе го прати бродот Red Dragon што е модификувана верзија на капсулите што ги користат за пренос на товар до меѓународната вселенска станица.
Red Dragon има осум супермотори кои ќе и овозможат на капсулата да слета на цврстото тло со пропулзивно слетување. Целта е да се воспостави контролирано слетување со оглед на големата количина на товар, нешто што на НАСА се уште не и успеало.
Овие мисии се важни бидејќи пред да почнат луѓето да ја посетуваат, важно е да се однесе доволно опрема таму. Поради тоа, Red Dragon Може да биде најважното летало за таа намена.
Маск исто така најави и цел план за колонизација на Марс што ќе го објави во септември на Меѓународниот аеронаутички конгрес во Мексико.