Фудбал
Скандал во Шпанија

Тројца играчи на Бетис добиле 650.000 евра за да наместат натпревар

17. февруари 2017 - 12:44 | Kајгана/Макфакс

Тројца поранешни фудбалери на Бетис, Амаја Каразо, Џорди Фигерас и Чави Торес се обвинети дека примиле поткуп од 650.000 евра за да местат натпревари и дека намерно загубиле од Осасуна во последното коло во Примера, во сезоната 2013/2014.

Шпанскиот суд објави дека покрај споменатите фудбалери под истрага биле уште 29 лица, во најголем дел членови на раководството на Осасуна.

Двегодишната истрага, како што соопшти судот, покажала дека раководството на Осасуна на тогашните фудбалери на Бетис им дала 400.000 за да го победат Ваљадолид, а потоа им платила 250.000 евра за да загубат од Осасуна.

Бетис го победи Ваљадолид 4:3, а потоа загуби од Осасуна со 2:1, но на крајот овие тимови не успеаја да го сочуваат прволигашкиот статус, бидејќи Алмерија со нерешените 0:0 против Атлетик Билбао го сочува прволигашкиот статус. Таа сезона за да опстане во лигата на Осасуна и беше потребен пораз на Алмерија. 

Коментирај