Министерот за финансии и вицепремиер во Владата на РМ, Зоран Ставрески си поднесе оставка од функцијата. Според информациите неговото место ќе го наследи актуелниот директор на Управата за јавни приходи Кирил Миновски.
Неофицијалните информации се дека министерот ја поднел оставката поради здравствени причини.
„Здравствените причини со кои се соочувам и советите на лекарите упатуваат дека постои неопходност од подолго лекување и опоравување, па затоа нема да сум во можност да ја вршам функцијата министер за финансии и потпретседател на Владата на Република Македонија“ - пишува во оставката на Ставрески.