„Ова што денес го направи Македонија влегува во историја, во моментот опозицијата предводена од СДСМ, заедно со граѓаните имаат еден мандат повеќе. Славете го животот, падна режимот, нека разбере целиот свет. Македонија испиша светска историја, со пенкало падна режим“, изјави вечерва лидерот на СДСМ Зоран Заев во говор пред Владата на РМ.
„Бидете среќни и горди, испишавте историја, јас се гордеам со вас. Македонија е горда земја, среќна земја. Трендовите можат само да растат, затоа треба да се радувате, падна режимот, победи животот. Ова се историски моменти, покажавме дека со многу трпение и посветеност, му покажавме на цел свет, ставивме печат на оваа наша мултиетничка Македонија. Ова што го постигнавме, мирен и изборен ден, со најмодерното оружје на 21-от век – пенкалото во раце, победивме режим! Од денеска Македонија отвора нова страница добри перспективи и нова иднина за живот на сите нејзини граѓани, денес победиме единствено и сплотено, да живее Македонија!“, рече претседателот на СДСМ.