Земјотрес со јачина од 4,0 степени според Рихтеровата скала денеска ја погоди областа околу хрватските градови Сисак и Петриња, а беше почувствуван и во Загреб.
Претходно беше објавено дека јачината на земјотресот е 3,7 степени.
„Во 13:08 часот, сеизмолозите регистрираа прилично силен земјотрес со епицентар недалеку од Петриња, во близина на Глинска Пољана. Јачината на земјотресот беше 4,0 според Рихтеровата скала, а интензитетот во епицентарот беше на 5-тиот степен од ЕМС скалата“, соопшти Сеизмолошката служба.
Епицентарот беше на 16 километри од Сисак и 30 километри северно од Загреб.
Земјотресот го почувствуваа и членовите на хрватската влада на денешната седница, пренесува Index.hr. На снимката од седницата може да се слушне како премиерот Андреј Пленковиќ вели: „Еве, се почуствува и земјотрес“.
