Славниот боксер Мајк Тајсон или Железниот Мајк не остана имун на фалбаџискиот однос на Флојд Мејведер. Посебно го изнервира една негова изјава, дека е тој најдобриот боксер на сите времиња.
„Да е Мејведер блиску голем како што е Мухамед Али би смеел сопствените деца сам да ги води на училиште. Зборува за некоја големина, а не може децата да си ги однесе на училиште. Големината не се огледува во тоа како ги чувате луѓето од себе туку во тоа луѓето да ве прифаќаат. Ако не смее сам да ги носи децата на училиште тој е само еден мал уплашен човек. Мал, уплашен човек“, вели Тајсон.
Контроверзниот боксер смета дека би можел да го победи Мејведер.
„Ако се соочиме, било на ринг или на улица, јас ќе го растурам. Нема да издржи ниту една рунда, едноставно би го растурил“, вели тој.
Тајсон пред 14 години се збогува со боксерските ракавици, во рингот имаше 50 победи и 6 порази. Мејведер исто така има 50 победи, но ниту еден пораз. Сепак, Мајк има 44 победи со нокаут, а Мејведер 27, но исто така не се во иста категорија.