Новата студија спроведена во Кина утврди зошто не треба да спиете со отворени завеси.
Имено, истражувачите изјавиле дека оваа практика може да го зголеми ризикот од мозочен удар за 43% бидејќи светлосното загадување го попречува квалитетниот одмор и ги оптоварува органите на телото. Светлосното загадување е промена на нивото на природна светлина во ноќни услови предизвикана од емисија на светлина од вештачки извори на светлина.
Ги анализирале податоците собрани од 28.000 луѓе за да го утврдат влијанието на загадувањето врз природниот ритам на спиење и будење и пронашле јасна врска. Д-р Џаинбин Ван рече:
„Нашето истражување сугерира дека повисоките нивоа на изложеност на вештачка светлина на отворено во текот на ноќта може да бидат фактор на ризик за цереброваскуларни болести“.
Поради оваа причина, тој ги советува луѓето, особено оние што живеат во урбани средини, да ја намалат изложеноста на овој вид светлина за да го зачуваат своето здравје.
Резултатите се објавени во стручното списание Stroke. Во период од шест години, тие го следеле здравјето на луѓе од ист град без историја на цереброваскуларни болести (каде спаѓаат аневризмата и мозочниот удар).
