Дали некогаш сте се запрашале зошто скоро сите патнички авиони се бели? Изгледа дека за тоа постојат многу причини, а Sun ги наведува најзначајните од нив.
Како прво, белата боја е најлесна за откривање на пукнатини, течење на масло и слични проблеми што можат да се појават кај авионите. Белата боја е рефлектор на светлина и топлина така што е најдобра за спречување металот на авионот да се загрее.
Белата боја најлесно се распознава на небото, во случај на несреќа, судир или невреме. Белата боја не бледнее.
Боењето на целиот авион чини многу, а може да трае од два дена до две недели, зависно од буџетот со кој се располага. Авионите што не се бели потешко се продаваат, пишува Sun.
