Во неколку болници низ Европа група научници направи анализи на примероци од брадата и плунката на 18 мажи со брада на возраст од 18 до 76 години, а исто така анализирале и примероци од крзното и плунката на 30 кучиња, од шнауцер до германски овчар.
Научниците откриле дека во примероците од машките бради има речиси исто бактерии колку и во кучешкото крзно.
Тестирањата покажале дека во брадата на сите мажи е најден висок процент на микроби, а подеднакво висок процент бил најден кај 23 од 30-те кучиња вклучени во истражувањето.
Кај седум од испитаниците биле најдени микроби што се опасни по човековото здравје.
Се работи за Enterococcus faecalis, цревна бактерија што најчесто предизвикува инфекција на уринарниот тракт, а имало и неколку случаи на Staphylococcus aureus, бактерија што најчесто се наоѓа на кожата, но може да предзвика сериозна инфекција ако влезе во крвотокот.
Целта на истражувањето не била да се поттикнат мажите да се бричат, туку да се предупредат управите на болниците дека пациентите оставаат значително повеќе потенцијално заразни бактерии на разни болнички површини отколку што се смета и дека стандардната стерилизација и дезинфекција не се доволни за да се реши овој проблем.