Урната е оградата околу камен темелникот за изградбата на крст во скопската населба Бутел, поставени шатори и истакнати албански знамиња, од страна на група помлади лица на протестот против изградба на 55-метарскиот крст кои ги предводена високи функционери на ДУИ.
Пред разурнувањето на целиот ограден простор на околу камен темелникот, на собраните им се обрати градоначалникот на соседната општина Чаир, Изет Меџити, кој порача дека протестот е резултат „на верската поделба која се провоцира со поставување на крстот“, бидејќи, како што рече, „на крстовите и минарињата, местото им е во верските објекти, а не на сред улица“.
Иако според него се работи за граѓански револт, Меџити најави дека демонстрантите нема да се тргнат од местото, односно дека тука ќе останат „сé додека не се промени одлуката на општина Бутел“, која според него не е во интерес на сите граѓани.
„Одлуката за поставувањето на крстот е провокација за сите Албанци, без разлика дали се тие муслимани, православни или католици. Тој додаде дека доколку општината Бутел е толку загрижена за православните Албанци, можела да одвои една локација каде би се изградила албанска православна црква и на неа да се стави крстот“, рече Меџити без да појасни во што се состои провокацијата на етничко ниво.
Засега не реагираа полициските сили кои се распоредени претходно во текот на денот на најавата за граѓанскиот протест.