Новиот „Dumbo“ не ги исполни очекувањата во премиерното прикажување во текот на изминатиот викенд, но успеа да се најде на врвот на бокс-офисот, со заработка од 45 милиони долари во Северна Америка.
Римејкот на Disney на анимираниот класик од 1941 година е малку разочарувачки за студиото со оглед на тоа што се очекуваше цифра од најмалку 50 милиони долари. Филмот во кој улогите ги толкуваат Колин Фарел и Мајкл Китон, на светско ниво заработи 116 милиони долари.
Disney ќе објави уште два римејки од анимирани класици, како „Aladdin“ со Вил Смит како Џинот од ламбата и „The Lion King“, во кој гласовите ги позајмуваат Доналд Гловер и Бијонсе.
На второто место е хоророт „Us“, со заработка од 33,6 милиони долари во вториот викенд на прикажување. Филмот беше изненадување за Холивуд, со премиерното прикажување и заработка од 71 милион долари.
На третото место е „Captain Marvel“ со заработка од 20,5 милиони долари во четвртиот викенд од прикажување.
Ова е листата на десетте најгледани филмови во текот на изминатиот викенд:
1. Dumbo – 45 милиони долари
2. Us – 33,6
3. Captain Marvel – 20,5
4. Five Feet Apart – 6,2
5. Unplanned – 6,1
6. Wonder Park – 4,5
7. How to Train Your Dragon: The Hidden World – 4,2
8. Hotel Mumbai – 3,1
9. A Madea family Funeral – 2,7
10. The Beach Bum – 1,8 милиони долари.
