Евертон на Гудисон Парк го декласираше Манчестер Сити со 4-0 (1-0), во претпоследниот натпревар од 21 коло на англиското фудбалско првенство.
Екипата на Роналд Куман до водство стигна во 34 минута со голот на Ромелу Лукаку, на 2-0 зголеми вториот белгиски репрезентативец Кевин Миралас во 47 минута, Том Дејвис во 79 минута по третпат го совлада Браво, а конечните 4-0 во судиското продолжение ги постави 19 годишниот Адемола Лукмен.
Евертон со оваа победа се зацврсти на седмата позиција со 33 бода и го намали заостатокот зад петопласираниот Манчестер Сити на девет бодови. На врвот на табелата и натаму е Челзи со 52 бода, пред Тотенхем со 45 и Арсенал и Ливерпул кои имаат по 44 бода, но тимот на Јурген Клоп има и меч помалку.
