Швајцарскиот тенисер, Роџер Федерер, рече дека е горд на целото она што го направи во кариерата, но дека не знае по што ќе остане запаметен кога ќе се повлече од тенисот.
Имено, Федерер оваа сезона во Австралија го освои дваесеттиот Гренд Слем во кариерата, а вкупно освои 98 трофеи, па е рекордер по бројот на последователни недели (237) поминати на првата позиција на светската АТП листа.
„Се надевам дека ќе ме паметат како добар човек и фер играч. Човек кој им беше идол на децата. Тоа е она што го сакав кога почнав да се занимавам со овој спорт. Не знам што уште е потребно за тоа да се оствари. Тоа ќе го знам кога ќе ја завршам кариерата. Горд сум на се што остварив“, рече Федерер.
Инаку, вториот тенисер на светот од 8 октомври го очекуваат настапи на турнирот во Шангај, каде ја брани титулата од минатата сезона.