Голгетерот Чиро Имобиле на крајот од сезоната ќе го напушти Лацио.
Италијанскиот новинар Матео Морето тврди дека напаѓачот по 8 години минати во Лацио е „желен за нов проект“.
Имобиле пристигна во Лацио во 2016 година од Севиља за 9.650.000 евра и постигна дури 206 гола и забележа 54 асистенции на 332 одиграни натпревари. Тој е најдобриот стрелец во клупската историја пред покојниот Силвио Пиола со 159 постигнати голови.
Лацио на почетокот на оваа недела доби нов тренер. Игор Тудор дојде на местото на Маурицио Сари кој си поднесе оставка, откако доживеа пет порази на последните шест натпревари.
Неодамнешните извештаи во Италија го поврзуваат 34-годишниот напаѓач со летна преселба во Интер.
