Фудбалерите на Напои го совладаа Интер со 3:0 (2:0) во дербито со кое беше отворено 15. коло во Серија А.
Наполи дербито го реши во воведните шест минути кога постигна два гола. Најпрвин младиот Полјак Зјелински по 120 секунди го матираше Хандановиќ, а потоа му асистираше на Хамшик кој во шестата минута го зголеми водството на Наполитанците.
Конечниот резултат го постави Инсиње по шест минути игра во второто полувреме.
Интер не доживеа вистински дебакал во Неапол само благодарение на голманот Хандановиќ и неколкуте неверојатни промашувања на домашните играчи.
[jw: https://www.youtube.com/watch?v=QShoL3g1upY]
