На пладне во Куќата на Фудбалот беше извршена четвртфиналната жрепка по која осумте клубови ги дознаа своите противници на патот кон финалето.
Бранителот на пехарот, екипата на Академија Пандев за противник го доби тимот на Шкупи кој ќе има тешка задача да го предизвика актуелниот шампион.
Двата единствени второлигашки екипи имаа среќа и се паднаа еден против друг. Штипска Брегалница против Лабуништа, тоа значи дека во полуфиналето дефитивно ќе има и еден второлигаш.
По елиминацијата на Вардар, Шкендија налета на неговиот сосед Работнички, додека последната двојка е Струга против Ренова.
Првите четвртфинални натпревари ќе се играат на 4 декември, додека за реваншите ќе се чека дури три месеци бидејќи се закажани за 4 март наредната година.
