Кошаркарите на Денвер Нагетс го победија Кливленд Кавалирс со 130:101 во „Бол“ арената и со тоа им се вратија на триумфите по двата последователни порази во НБА лигата.
Денвер подобро го отвори натпреварот, но не можеше да им побегне на упорните гости во текот на првото полувреме кое заврши со резултат 65:56.
Натпреварот се прекрши во третата четвртина во која Денвер направи огромна разлика, па до крајот целосно го совлада непрепознатливиот Кливленд, кој е еден од најдобрите тимови на Истокот.
Брутална игра во редовите на Денвер повторно пружи српскиот центар Никола Јокиќ, кој оствари нов трипл-дабл учинок. Натпреварот го заврши со 26 поени, 18 скока и дури 16 асистенции за 34 минути поминати на паркетот.
Помош имаше од Калдвел-Поуп кој постигна 22 поена, додека кај Кавалирс единствениот расположен беше Мобли со 23 поени.
Денвер е на второто место во Западната конференција со 52 победи и 23 порази, додека Кливленд е на трет на Истокот со скор 45-30.
Резултати:
Денвер Нагетс - Кливленд Кавалирс 130:101
Бруклин Нетс - Лос Анџелес Лејкерс 104:116
Шарлот Хорнетс - Лос Анџелес Клиперс 118:130
Торонто Репторс - Филаделфија 76ерс 120:135
Вашингтон Визардс - Мајами Хит 107:119
Хјустон Рокитс - Далас Маверикс 107:125
Минесота Тимбервулвс - Чикаго Булс 101:109
Њујорк Никс - Оклахома Сити Тандер 112:113
Сан Антонио Спарс - Голден Стејт Вориорс 113:117
Сакраменто Кингс - Јута Џез 127:106
Табела:
