Крилниот центар на ЛА Клиперс, Блејкс Грифин, доби парична казна од клубот, поради инцидентот со вработен во клубот, по кој Грфин заврши со фрактура на дланката. Инцидентот се случи пред еден месец во Торонто, кога Грифин по една расправија го удрил вработениот.
Клубот го казни Грифин со суспензија за четири натпревари за кои нема да добие плата, што значи дека тој ќе остане без 859.422 долари. Блејк Грифин оваа сезона игра за плата од 18, 9 милиони долари.
Клиперси, парите од казната на Грифин, ќе ги донираат во добротворни цели, односно кај организации кои им помагаат на младите луѓе во Лос Анџелес. Исто така клубот го замолил Грифин да најде време да им помага на овие организации.
Инаку, Грифин, се рехабилитирал од повредата и е подготвен да се врати во натпреварувачки ритам.
Неиграњето на Грифин не се почувствува во играта на Клиперси, кoи од 26.декември наваму забележаа 18 победи на 22 натпревари.
