Лондон, 12 април 2019 (МИА) – На првите средби од четвртфиналните средби во второто по квалитет фудбалско натпреварување на европскиот континент, екипите кои важеа за фаворити забележаа победи.
Челзи и Валенсија остварија многу важни гостински победи, додека Арсенал и Бенфика не ги разочараа своите навивачи и дојдоа до триумф на домашен терен.
Стрелец на единствениот гол за Челзи беше Маркос Алонсо, кој во 86-тата минута го пронајде патот до мрежата на Славија Прага, по одличниот центаршут на Вилијан.
Во Шпанија, тимот на Виљареал имаше солиден резултат од 1:1 до 90-тата минута, но потоа два брзи гола на Валенсија го поставија конечниот резултат од 1:3. Виљареал пред себе има цела планина за искачување, бидејќи во возвратниот дуел ќе брка победа од 3 гола разлика ако сака да помине во следната рунда.
Резултати од четвртфиналето во Лига Европа:
Арсенал – Наполи 2:0
Бенфика – Ајнтрахт Франкфурт 4:2
Славија Прага – Челзи 0:1
Виљареал – Валенсија 1:3.
Реваншите се закажани за 18 април.
