Стотина мигранти протестираат во главниот град на Србија, Белград, кај автобуската станица, а бараат да се отвори границата кон Унгарија.
Голема група мигранти оди пешки по коловозот, јавува српски Blic, а на протестот му претходела голема кавга која се случила во паркот спроти автобуската станица. Една група мигранти прво вербално, а потоа и физички нападнала друга група мигранти кои не сакале да протестираат, но и работници на инфо паркот.
Од инфо паркот велат дека повредени нема, но дека еден човек е со модринки, откако бил туркан меѓу групите мигранти.
