Во последно време, трансплантацијата на коса стана сѐ попопуларна практика меѓу познатите фудбалери, а сега во тимот се приклучи уште еден легендарен играч.
Станува збор за познатиот романски и поранешен напаѓач на Челси, Адријан Муту, кој моментално е тренер на романски Клуж.
Познатиот Романец сподели фотографии од третманот за трансплантација на коса. Тој ја искористи репрезентативната пауза за да отпатува за Турција и да изврши трансплантација во една од најпопуларните клиники за вакви зафати.
„Косата почнува да ви опаѓа и веќе не оди така. Времето никому не простува. Не сте виделе како е на интервјуа кога светлината ќе ве удри во главата, како изгледа. Сепак, помина. Не беше болно, преспав. Лекувањето трае три часа, не беше толку едноставно“, изјави Муту за турскиот Fanatik.
Еден од најпопуларните романски фудбалери на сите времиња во текот на својата кариера играше за гиганти како Јувентус, Интер, Челси и Фиорентина, како и за Верона, Парма, Ливорно, Чезена, Ажаксио, Петролул, Пуне Сити, бикурешки Динамо и Аргеш. И покрај ова, сите се свесни дека тој не ја направи кариерата што можеше да ја има, а главната причина беа проблемите со неговото однесување надвор од теренот.
За романската репрезентација одигра 77 натпревари и постигна 35 голови. Во 2004 година на минута пред крајот го постигна победничкиот гол за 2:1 на квалификацискиот натпревар против Македонија во Крајова. За Романија играше на ЕУРО 2000 и 2008. Кариерата ја заврши во 2016 година во дресот на Таргу Муреш и веднаш стана тренер.