Кристијано Роналдо во својата гаража има ергела од дваесетина автомобили за кои обичните смртници не можат ни да замислат да ги поседуваат, а фудбалерот на Реал Мадрид сега се пофали со новото засилување во своите редови.
Откако постигна гол на дуелот против Бетис кој заврши со 6-1 за мадридскиот клуб, Роналдо се пофали со својот нов миленик. Станува збор за нов Lamborghini Aventador, бидејќи Роналдо веќе има постар ваков автомобил.
Најскапиот во колекцијата на Роналдо е Bugatti Veyron кој чини околу два милиони евра, а со тој автомобил се почасти летото по освојувањето на европското првенство во Франција.
За овој модел на Lamborghini, фудбалската ѕвезда плати 400.000 евра. Освен Veyron поскапи модели што ги поседува се Ferrari 599 GTO и Ferrari F430.
Инаку Aventador има 691 коњска сила, забрзува до стотка за 2,9 секунди, а максималната брзина му е ограничена на 350 километри на час.