Настинката во просек трае четири до шест дена, а доколку симптомите потраат подолго, веројатно нешто правите погрешно.
Настинката може да биде предизвикана од 200 различни вируси и не се лекува со антибиотици бидејќи вирусите на нив не реагираат. Обично првин се појавува болка во грло и течење на нос. Потоа доаѓа до затнување на носот и послаба кашлица. Зголемена температура обично нема, но е лесно накачена во првите денови, пишува WebMD.
Еве кои се најчестите грешки што ги правиме кога сме настинати:
1. Не пиеме доволно течности
Кога човек ќе настине лесно може да дехидрира, а болното грло прави помалку да ви се пие вода. Затоа, во случај на настинка внесувајте доволно течности во вид на супа, чај/компот или вода. Воздржете се од кофеин и алкохол, бидејќи ги извлекуваат течностите од телото.
2. Не одмараме доволно
Спиењето помага имунитетот да функционира како што треба. Кога ќе настинете потребно е повеќе сон и одмор за да може телото да се избори со вирусите. Првите три дена од појавата на првите симптоми искористете ги најмногу за мирување.
И кога сте здрави, ако не сте наспиени, полесно ќе настинете бидејќи имунитетот е слаб, со што телото е повеќе подложно на болести. Според едно истражување, луѓето кои спијат помалку од 7 часа скоро три пати се повеќе склони на болести од оние кои спијат по 8 часа.
3. Под стрес сме
Стресот лошо влијае на имуниот систем, организмот не може да се бори со вируси како што треба. Кога сте под голем стрес полесно ќе настинете, а ако сте веќе болни, потешко ќе закрепнете.
4. Всушност не станува збор за настинка
Лесно е да се збуните и да мислите дека сте настинати, а всушност станува збор за алергија. На пример, мислете дека сте настинати, имате некои симптоми, но никако не минуваат бидејќи всушност сте алергични на нешто.