Професорката Мирјана Најчевска и Извршниот директор на Хелсиншкиот комитет, Уранија Пировска се казнети со по 50 евра казна затоа што фрлале боја за време на протестите на „Шарената револуција“.
Демонстранти од „Шарената револуција“ се собраа утрово пред Полициската станица за да им дадат поддршка.
Најчевска не влезе на разговор, внатре беше само нејзиниот адвокат, а таа истури боја на објектот на Полициската станица.
Пировска изјави дека го признала делото, но не го потпишала платниот налог бидејќи според неа, фрлањето боја на протести е право на сите граѓани.
Пред Полициската станица „Беко“, се појавија неколкумина протестанти со транспаренти против „Шарената револуција“ и против Најчевска и Пировска, но веднаш си заминаа, откако демонстрантите ги забележаа и почнаа да викаат по нив и да скандираат „Каде ви се сендвичите“.
Полицијата направи кордон за да спречи инцидент меѓу протестантите и контра-протестантите.
