Netflix одлично знае да игра на картата „носталгија“, а тоа го покажа и со најновиот потег – ќе ги репризира сите епизоди на серијата „Rebelde Way“.
Популарната стриминг платформа преку социјалните мрежи за Netflix Argentina и Netflix Spain соопшти дека од 9 декември ќе ги репризира сите 318 епизоди од серијата „Rebelde Way“, која кај нас се емитуваше под насловот „Млади бунтовници“.
Тинејџерската драма чиј продуцент беше Крис Морена, беше страшно популарна од 2002 до 2004 година и ги лансираше кариерите на главните актери: Бенхамин Рохас, Луисана Лопилато, Камила Бордонаба и Фелипе Коломбо.
Серијата имаше (и уште има) илјадници обожаватели кои израснаа со тинејџерските проблеми на ликовите во приватното училиште и музиката што произлезе од серијата, односно бендот Erreway.
Засега не е познато дали оваа содржина ќе им биде достапна на сите корисници на Netflix, вклучувајќи ги македонските, или ќе биде ограничена само за Аргентина и Шпанија.
