Студиото Warner Bros го објави првиот постер за претстојниот филм Joker: Folie À Deux, продолжение на психолошкиот трилер Joker од 2019 година, кој заработи повеќе од 1 милијарда долари ширум светот.
Еден од најочекуваните филмови оваа година е во режија на Тод Филипс, режисерот на серијата Hangover, кој работеше и на првиот филм.
Постерот за филмот е објавен на официјалните TikTok и Instagram профили, а го прикажува Хоакин Феникс во улогата на Џокерот и Лејди Гага во улогата на Харли Квин.
„Светот е сцена“, пишува во објавата.
На TikTok, можеме да слушнеме и клип од Харли Квин како вели: „Можеш да правиш што сакаш... Ти си Џокерот“.
Во филмот играат и Зази Бец, Стив Куган, Брендан Глисон, Кетрин Кинер, Џејкоб Лофланд и Кен Леунг.
Пред Лејди Гага да ја преземе улогата на Харли Квин, популарната антихероина ја глумеше Марго Роби во филмовите на Suicide Squad, пишува Deadline. Роби е среќна што нова актерка го презела ликот на Харли Квин.
„Многу сум среќна бидејќи на самиот почеток реков дека би сакала Харли Квин да стане еден од оние ликови, како Макбет или Бетмен, кои се пренесуваат од еден во друг голем актер“, изјави ѕвездата на филмот Barbie.
Joker: Folie À Deux ќе се прикажува во кината на 4 октомври 2024 година, а трејлерот за филмот ќе биде достапен на YouTube од 9 април.
