„Поранешните селектори и играчи и штетат на фудбалската репрезентација на Македонија“, вели Горан Пандев во емисијата „Куќа на фудбалот“. Играчот на Џенова, кој по две години се врати во националниот тим, пред неколку месеци изјави дека поранешен селектор му рекол дека „сега не е вистинско време да се вратиш во репрезентацијата“.
„Во последните пет-шест години околу репрезентацијата имаше многу луѓе кои негативно влијаеја на нашата репрезентација и до денешен ден тоа го прават. Бивши фудбалери и бивши тренери и селектори направија да нема две илјади луѓе на натпревар. Знаеме дека кај нас атмосферата на стадион е катастрофа и мислам дека најголемата вина е кај поранешните селектори и играчи“ - смета Пандев.
Тој додава: „Јонуз беше кај мене во Џенова да го следи натпреварот Наполи-Џенова, потоа зборувавме отворено за репрезентацијата и негов став беше дека сега не е време јас да се вратам во репрезентацијата, туку дека треба да бидам следниот претседател на Федерацијата, нешто што никогаш не било моја желба. Не сакам да бидат претседател на ФФМ, јавно кажувам дека сега сакам само да им помогнам на децата во репрезентација“ - вели играчот на Џенова.
Пандев вели дека негативната атмосфера околу репрезентацијата ја создале поранешните играчи и селектори.
„Негативната атмосфера ја создадоа бившите играчи и селектори, а можеме и да ги споменеме Џиџи, Јонуз и други поранешни играчи. Да се надоврзам најдобрите натпревари ги одиграв кога Јонуз беше селектор и атмосферата тогаш беше прекрасна. Јонуз го ценам како тренер, имавме добра репрезентација, започнавме да играме добро, но потоа тој почна да се занимава со менаџерски работи, и не само тој и другите селектори, а тоа е генерално наш македонски проблем“, изјави Пандев.