Шарлиз Терон и Сет Роген развиваат професионален флерт за време на политичка кампања, открива првиот трејлер за романтичната комедија „Long Shot“.
Терон го игра ликот на Шарлот Филд, државна секретарка која подготвува претседателска кандидатура. На еден настан налетува на Фред Фларски (Сет Роген) на кого многу одамна му била дадилка.
Шарлот ќе го ангажира Фред да биде дел од нејзиниот тим и додека патуваат во рамки на предизборната кампања, ќе се зближуваат сѐ повеќе и повеќе.
Покрај нив, во филмот играат и Џун Дајен Рафаел, Александер Скарсгард, О’Шеа Џексон Џуниор и Енди Серкис.
„Long Shot“ го режираше Џонатан Ливајн, по сценарио на Дејна Стерлинг.
Премиерата на филмот е закажана за 3 мај.