Еван Блас, кој редовно објавува точни информации за претстојните уреди, ја објави првата фотографија од врвниот модел на Samsung за 2017 година - Galaxy S8. Смартфонот треба да биде претставен на 29 март, а команијата веќе соопшти дека продажбата ќе стартува на 21 април.
На задната страна се гледаат сличности со ланскиот модел Galaxy S7, додека од предната страна има повеќе разлики. Така на пример го нема Home копчето, како и навигациските капацитивни тастери.
Предната страна речиси целосно е покриена со екранот, а смартфонот треба да биде достапен во верзија со дијагонала од 5,8 инчи и 6,2 инчи.
Покрај USB-C портот, смартфонот ќе има и HDMI конектор, како и 3,5 милиметарски приклучок за слушалки.
Камерата треба да биде подобра во однос на S7, а телефонот треба да има 64GB внатрешна меморија и скенер за очи.
Шпекулациите се дека ќе добие 8 GB RAM, Qualcomm Snapdragon 830 процесор, како и батерија од 3.000 mAh.
This is the Samsung Galaxy S8, launching March 29 https://t.co/lQZ0K0q2MA pic.twitter.com/dlusRMX4YH
— Evan Blass (@evleaks) January 26, 2017
