Раководството на францускиот фудбалски првак Пари Сен Жермен му понуди на Бразилецот Нејмар дури 40 милиони евра годишна плата, со што би станал најплатен фудбалер на светот.
ПСЖ е подготвен да и плати на Барселона 190 милиони евра годишно отштета, а на Нејмар неверојатно 160 милиони евра за четири годишен договор, пренесуваат бразилските медиуми.
Се шпекулира дека договорот со отштета, плата и бонуси вкупно би изнесувал околу 400 милиони евра.
Француските медиуми пишуваат дека сопственикот на парискиот клуб, шеикот Насер Ал-Келаифи го обожува бразилскиот мајстор и ќе стори се за да го доведе на Паркот на Прицовите.
Сегашниот договор на Нејмар со Барселона трае до 2018 година и веќе преговара со каталонскиот клуб за нов договор. Барселона наводно му нуди 16 милиони евра по сезона, што е четири милиони помалку од сегашната плата на Лео Меси.
Голем интерес за неговите услуги имаат и Реал Мадрид и Манчестер Јунајтед, но се чини дека Бразилецот има само една дилема, да остане на Камп Ноу или да се пресели во Париз.
