Ракометната репрезентација на Македонија пред заминувањето за Германија ќе одигра контролни натпревари со селекцијата на Грција.
Македонските ракометари ги започнаа подготвките за Европското првенство во Германија. Првата фаза од подготовките се одвива во Стара Пазова, Србија и ќе трае до 30 декември.
Втората фаза ќе започне во Скопје на 2 јануари.
Македонија против Грција ќе одигра натпревари на 4 и 5 јануари. Првиот натпревар ќе се одигра арената „Борис Трајковски“ со почетокот во 17 часот. Влезот за овој натпревар ќе биде слободен.
Ден подоцна, вториот натпревар ќе биде одигран зад затворени врати.
На 8 јануари ракометарите ќе отпатуваат во Германија. На ЕУРО 2024 Македонија во групата за противници ги има домаќинот Германија, Франција и Швајцарија.