Американскиот Стејт департмент повторно се огласи и го повика претседателот, Ѓорге Иванов да ја поништи одлуката за аболиција на политичарите и нивните соработници.
На брифингот во американскиот Стејт департмент што се одржал вчера, на барање на „Гласот на Америка“ да ги коментира настаните во Македонија од последниве денови, Елизабет Трудо, директорка на прес-канцеларијата, ја изразила загриженоста на САД за важноста на кредибилни избори во Македонија.
„Ние и ЕУ јасно ја искажавме загриженоста за важноста на кредибилни избори во Македонија. Времето е кратко. Многу преостанува да се направи. Силно го поттикнуваме претседателот Иванов да ја поништи неговата одлука и да му дозволи на Специјалното обвинителство и на судовите да ја вршат својата работа“, изјавила Трудо.
