Голманот на Реал Мадрид, Тибо Куртоа, се врати на тренинзите со Кралскиот клуб откако ги повреди предните вкрстени лигаменти пред почетокот на оваа сезона.
Сепак, враќањето на зелените терени на искусниот Белгиец не му одеше баш најдобро со оглед на тоа што сега заработи руптура на менискусот на десното колено.
Како што соопшти Реал Мадрид, повредата настанала на денешниот тренинг и неговото враќање на зелените терени повторно е продолжено.
Како што пренесува Marca, не се знае сериозноста на неговата нова повреда, но реакцијата на Тибо го вклучи алармот во клубот од стадионот „Сантјаго Бернабеу“.
Според последните информации тој наскоро ќе мора да оди на нова операција, што би значело дека сигурно нема да се врати на голот на Реал оваа сезона.
