Останати спортови

Том Брејди повторно во Супербоул, овојпат против Рамс

21. јануари 2019 - 17:31 | К.З.

Уште еднаш, како многупати претходно, Том Брејди покажа зошто е познат како најдобриот квотербек во историјата на американскиот фудбал. И не само тоа, туку и најголемиот победник во спортот. Тој синоќа го предводеше тимот на Њу Ингланд Патриорс до нов Супербоул, деветти за него и десетти за тимот.

Пред почетокот на натпреварот, многумина се сомневаа во моќта на Патриотс, кои во текот на сезоната имаа многу проблеми со темпирањето на формата. Но, Том Брејди ги замолкна сите и со победа во продолжението од 37:31 му донесе нов пласман во Супербоулот на тимот од Њу Ингланд.

Тимот на Кансас Сити Чифс се покажа како тежок противник за Патриотс. Иако Брејди и дружината изгледаа како да ја имаат контролата во текот на целиот меч, сепак им беше потребно продолжение за да ја обезбедат победата. Младиот квотербек на Чифс, Патрик Махоумс, беше на пат да стане ѕвездата на вечерта, но сепак на патот му стоеше големиот Том Брејди, кој му ја скрати радоста.

 
 
 
 

 
 
 
 
 
 
 
 
 

W

A post shared by Tom Brady (@tombrady) on

А во Супербоулот ќе ги пречека тимот на Лос Анџелес Рамс, кој претходно стигна до победа од 26:23 над Њу Орлеанс Сејнтс, исто така преку продолжение. Колку и да е голема предноста на Патриотс поради тоа што го имаат Брејди во своите редови, сепак обложувалниците им ја даваат предноста на Сејнтс.

Само како потсетување, 53-от Супербоул е закажан за 4 февруари и ќе започне 00:30 по македонско време.

Коментирај