Меси, Роналдо и Ван Дајк се тројцата кои останаа да се борат за наградата за најдобар играч на минатата сезона.
Откако претходно УЕФА објави листа со 10 кандидати, денеска елиминираше седум од нив. Жири комисија составена од 80 тренери на клубовите кои играа во фазата по групи на Лигата на шампиони (32) и Лига Европа (48) плус 55 новинари (по еден од секоја земја-членка) учествуваа во изборот.
Тројцата помеѓу кои ќе се бира играчот на сезоната се Лионел Меси (Барселона и Арегентина), Кристијано Роналдо (Јувентус и Португалија) и Вирхил ван Дајк (Ливерпул и Холандија).
Останатите кои отпаднаа од конкуренција се:
4. Алисон Бекер (Ливерпул и Бразил) - 57 бода
5. Садио Мане (Ливерпул и Сенегал) - 51
6. Мохамед Салах (Ливерпул и Египет) - 49
7. Еден Азар (Челси/Реал Мадрид и Белгија) - 38
8. Матајс де Лихт (Ајакс/Јувентус и Холандија) - 27
8. Френки де Јонг (Ајакс/Барселона и Холандија) - 27
10. Рахим Стерлинг (Манчестер Сити и Англија) - 12
УЕФА го стесни изборот на кандидати и за останатите награди:
Најдобар голман: Алисон Бекер, Иго Љорис, Марк-Андре тер Штеген
Најдобар дефанзивец: Трент Александер-Арнолд, Матајс де Лихт, Вирхил ван Дајк
Најдобар во средниот ред: Френки де Јонг, Кристијан Ериксен, Џордан Хендерсон
Најдобра фудбалерка: Луси Бронз, Ада Хегерберг, Амандан Анри
Најдобар играч во Лига Европа: Оливје Жиру, Еден Азар, Лука Јовиќ
Победниците ќе бидат јавно објавени на 29 август во Монако за време ждрепката за групната фаза од Лигата на шампиони.
