Синоќа во Лас Вегас се одржа доделувањето на Billboard Music Awards. На сцената блеснаа познати музички ѕвезди како Бритни Спирс, Ријана, Мадона, Пинк, Аријана Гранде, девојките од групата Фифт Хармони и други.
Домаќини на шоуто беа раперот Лудакрис и пејачката Кјара. Адел беше прогласена за најдобра пејачка, Џастин Бибер ја доби наградата за најдобар пејач, додека за најдобар нов изведувач беше прогласен раперот Фити Веп.
Меѓу останатите добитници на Billboard наградите се Виз Калифа, Ријана, Тејлор Свифт, Дрејк и Дејвид Гета.
Селин Дион и Кеша имаа емотивни настапи на церемонијата, додека Мадона настапи со трибјут за Принц. Подоцна ѝ се придружи и Стиви Вондер, за песната „Purple Rain“.
Ова се дел од добитниците:
Најдобар изведувач: Адел
Награда од обожавателите: Ријана
Најдобар Billboard 200 албум: Адел
Најдобар машки изведувач: Џастин Бибер
Најдобар женски изведувач: Адел
Најдобра група: Уан Дајрекшн
Најдобар Billboard 200 изведувач: Адел
Најдобар рап изведувач: Дрејк
Најдобар арендби албум: Д Викенд „Beauty Behind the Madness“
Најдобра рап песна: Виз Калифа „See You Again“
Останатите добитници може да ги видите овде.