Spotify објави листа од најслушаните песни во последните 10 години.
Сервисот за стримување музика Spotify објави листа на најдобрите песни, албуми и изведувачи во последните 10 години. Изведувач чија музика луѓето најмногу ја стримувале е Дрејк.
Раперот има повеќе од 28 милијарди стримови, а неговата најпопуларна песна „One Dance“ е пуштена 1,7 милијарди пати. Тој е најстримуван музичар на деценијата. На второто место е Ед Ширан, а по него следат Пост Малоун, Ариана Гранде и Еминем.
Најслушана песна на деценијата е „Shape of You“ на Ед Ширан, која е пуштена 2,4 милијарди пати.
Најслушана песна во 2019 година е „Senorita“ од Шон Мендес и Камила Кабељо. Песната е објавена во јуни, а оттогаш е преслушана милијарда пати. Веднаш по неа е песната „Bad Guy“ на 17-годишната Били Ејлиш, со 900 милиони стримови додека нејзиниот деби албум „When We All Fall Asleep, Where Do We Go?“ е најстримуван албум на годината.
