Времето низ Македонија претпладне ќе има слаб локален дожд, а во текот на денот ќе има повеќе сончеви периоди. Во југозападните делови ќе дува умерен до засилен западен ветер.
Утринските температури ќе се движат од 3 до 9 степени, додека дневните температури ќе бидат во интервал од 8 до 20 степени.
Во Скопје и околината слично време со дневна температура до 17 степени.
Облачно и посвежо време ќе преовладува во сабота, кога ќе има и повремени врнежи од дожд, на повисоките планини од снег и ќе дува повремено засилен северен ветер. Потоа во недела и понеделник ќе преовладува стабилно време, а дневната температура ќе биде во пораст.
