Легендарниот музичар Род Стјуарт објави нов албум. Неговиот триесетти соло албум насловен „Blood Red Roses“ го најави со синглот „Didn’t I“.
Станува збор првото студиско издание после три години, а Стјуарт на овој албум соработуваше и со Боб Дилан.
Како што сме навикнати, повторно ни сервираше жанровска разновидност, шармантна заиграност и интроспективни текстови – неговите препознатливи карактеристики кои го прават еден од најпродаваните музичари на сите времиња.
Албумот е снимен на доста неконвенционален начин за еден пејач од негов калибар.
„Голем дел од песните ги снимивме во хотелски соби. Тоа е одличен начин за создавање на албум, бидејќи не сте со месеци затворени во иста просторија. Премногу години поминав во студиските простории во кои не сакав да бидам, затоа мислам дека е одлично што при снимањето на овој албум не се најдовме во таква ситуација“, призна Род.
„Кога создавам нова музика, секогаш имам чувство дека тоа го правам за неколку пријатели. Овој албум е мое лично задоволство. Во животот можете далеку да стигнете ако сте искрени, истото важи и во музиката“, го коментираше Стјуарт својот нов албум.
На албумот се најдоа 13 нумери, односно 16 во делукс верзијата.
Албумот е најавен со синглот „Didn’t I“, песна која зборува за последиците предизвикани од дрогата од перспектива на еден родител.
Во 50 години музичка кариера тој сними 30 студиски албуми кои се продадени во повеќе од 200 милиони примероци.
