Суперхеројот на DC наречен Shazam! конечно го дочека премиерното појавување во долгометражен филм, а публиката тоа го поздрави преку полнење на киносалите ширум светот.
„Shazam!“ заработи најмногу од сите филмови кои беа на репертоарот викендов и го освои првото место на светскиот боксофис.
На крајот од викендот, резултатите беа јасни – „Shazam!“ заработи повеќе од 53 милиони и го најде патот до врвот на боксофисот. Второпласираниот „Pet Sematary“, кој исто така беше премиерно прикажан викендов, не беше ни блиску – тој заработи двојно помалку од „Shazam!“, што беше доволно само за второто место.
Минатонеделниот шампион, филмот „Dumbo“ заработи дополнителни 18 милиони и сега има вкупна заработка од 137 милиони долари. „Captain Marvel“ и „Us“ и понатаму се држат силно во Топ 5 на боксофисот, додека „High Life“ вистински потфрли, заработувајќи само 100.000 долари овој викенд.
Топ 10 листа на филмови со најголема заработка преку викендот:
1 – „Shazam!“ – 53,4 милиони долари
2 – „Pet Sematary“ – 25 милиони
3 – „Dumbo“ – 18,2 милиони
4 – „Us“ – 13,8 милиони
5 – „Captain Marvel“ – 12,6 милиони
6 – „The Best Enemies“ – 4,5 милиони
7 – „Five Feet Apart“ – 3,7 милиони
8 – „Unplanned“ – 3,2 милиони
9 – „Wonder Park“ – 2 милиони
10 – „How to Train Your Dragon: The Hidden World“ – 1,9 милиони
