Едно 4-годишно дете се бори за живот откако паднало од седмиот спрат на зграда во скопската населба Аеродром. Девојчето паднало од зграда на улицата Владимир Комаров, откако мајка му го оставила само за да оди да плати сметки во банка.
Според информациите, животот на детето му го спасиле гранките од дрвата и телефонскиот кабел. Од МВР потврдуваат дека несреќниот случај се случил околу 11 часот денеска, а поради сериозноста на повредите девојчето е пренесено на Ургентниот центар.
Сведоштвата на очевидци велат дека падот на детето го ублажиле телефонскиот кабел и гранките од дрвата, а по падот детето ја загубило свеста.
Детето е под медицинска грижа, но е во животна опасност поради сериозните повреди на градниот кош и карлицата.
